Левандовски ЕЧЛда 50та голни 77 ўйинда киритди
28 ноя 2018 16:27
Новости

Левандовски ЕЧЛда 50та голни 77 ўйинда киритди

Кеча тунда ЕЧЛ 5-тури доирасида "Бавария" жамоаси "Бенфика"ни қабул қилди ва 5:1 ҳисобида ғалаба қозонди.

Ана шу беллашувда мюнхенликлар ҳужумчиси Роберт Левандовски дубль қайд этди. Польшалик форварднинг биринчи голи Чемпионлар лигасида юбилей 50-гол бўлди.

ЕЧЛда 50та гол уриш учун Робертга 77та ўйин керак бўлди. Бу мусобақа тарихидаги учинчи яхши натижа.

Чемпионлар лигасида 50та голни Левандовскидан кўра тезроқ фақат Рууд ван Нистелрой (62 ўйин) ва Лионель Месси (66 ўйин) киритган.

Бундан ташқари, Лева ушбу мусобақада кўп гол уриш бўйича олтинчи поғонага кўтарилиб олди (51та гол). Ундан кўпроқ голни Рууд ван Нистелрой (56 гол), Карим Бензема (59), Рауль (71), Лионель Месси (105) ва Криштиану Роналду (121) киритган.