Левандовски 2019 йилда 39 та гол урди

"Бавария" клуби ҳужумчиси Роберт Левандовски ЕЧЛ 4-турида "Олимпиакос"(2:0) клуби дарвозасини ишғол қилди. Бу гол 31 ёшли полшалик ҳужумчи учун 2019 йилдаги 39-си бўлди. Мазкур кўрсаткич Европанинг топ-5 чемпионатларидаги энг яхшиси ҳисобланади. Левандовскидан кейинги ўринларда Лионель Месси ("Барселона", 36 гол), Серхио Агуэро ("Манчестер Сити", 32), Килиан Мбаппе (ПСЖ, 32), Рахим Стерлинг ("Манчестер Сити, 28) сингари футболчилар келишмоқда.