Куман: "Месси кетгач гол уришимиз қийинлашади. Аммо мақсадимиз - совринлар"
13 авг 2021 09:29
Новости

Куман: "Месси кетгач гол уришимиз қийинлашади. Аммо мақсадимиз - совринлар"

"Барселона" бош мураббийи Рональд Куман Лионель Мессининг кетиши жамоага қандай таъсир қилиши ҳақида гапирди.

"Албатта, гол уришимиз қийинлашади. Месси ўтган мавсумда 30 та гол урганди. Энди эса бошқалар ўзларини кўрсатиб, олдинга қадам ташлашлари лозим бўлади. Бу ерда жамоавий меҳнат катта аҳамиятга эга бўлади.

Фати ва Коутиньо жароҳатдан соғайиб қайтгач, бизда ажойиб таркиб бўлади. Биз мақсадларимизга эришиш йўлида қаттиқроқ ишлаймиз.

Бизда ўтиш даври. Мавсумнинг боши қийин бўлади. Ҳалиям коронавирус бор ва унинг устига жароҳатланган футболчиларимиз ҳам бор.

Мақсад ўша-ўша - совринлар ютиш, чемпион бўлиш ва Чемпионлар лигасида муваффақиятли қатнашиш. "Барселона" каби жамоалар совринга даъвогарлик қилмасдан туриб мавсумни ўтказишмайди. Аммо, футболни тушунадиганлар бизга қийин бўлишини сезиб туришибди", - деди Куман.

Ссылка :

Источник : Marca

Получайте новости прямо в Telegram!

Рейтинг: +2