"Краснодар" 13 миллион евролик трансферни амалга оширади
25 июл 2019 12:25
Новости

"Краснодар" 13 миллион евролик трансферни амалга оширади

"Краснодар" "Сент-Этьен" ярим ҳимоячиси Реми Кабелланинг трансферини эълон қилди.

"Кабелла яқин икки кун ичида Краснодарга келади ва тиббий кўрикдан ўтади. Шундан сўнг футболчи билан шартнома имзоланади", - дейилади "буқалар" расмий сайтида.

Олдинроқ, краснодарликлар футболчи учун 13 миллион евродан ортиқ тўлаши маълум бўлган эди.

29 ёшли Кабелла якунланган мавсум "Сент-Этьен" сафида, Франция чемпионатида 34та ўйинда майдонга тушиб, 8та гол ва 7та ассистга эришган.

Бундан ташқари, у жамоанинг 2018/19 йилги мавсумдаги энг яхши ўйинчиси деб топилган.