Клубларимизнинг ОЧЛдаги рақиблари миллий чемпионатларда қандай натижа қайд этишяпти?

Хабарингиз бор, мусобақада юртимиз шарафини 2 жамоа ҳимоя қиладиган бўлди. Олмалиқнинг АГМК клуби А гуруҳидан ўрин олган бўлиб, мусобақадаги иштирокини 15 апрель куни бошлайди. Миржалол Қосимов шогирдларига Саудия Арабистонининг "Ал Ҳилол", Тожикистоннинг "Истиқлол", Бирлашган Араб Амирликларининг "Шабаб Ал Аҳли" жамоалари рақиблик қилади.

Маълумот учун, "Ал Ҳилол" айни пайтда Саудия Премьер-лигасида пешқадамлик қилаётган бўлса, "Шабаб Ал Аҳли" футболчилари БАА чемпионатида 3-ўринни эгаллаб турибди. Тожикистонда эса миллий биринчилик баҳслари энди старт олмоқда.

Тошкентнинг "Пахтакор" клуби B гуруҳидан ўрин олган бўлиб, мусобақадаги иштирокини 14 апрель куни бошлайди. "Шеърлар"га Эроннинг "Тракторсози", Бирлашган Араб Амирликларининг "Шаржа", Ироқнинг "Ал Қува" жамоалари рақиблик қилади.

Маълумот учун, "Тракторсози" айни пайтда Эрон про-лигасида 5-ўринни эгаллаб турибди. "Шаржа" БАА биринчилигида 4-поғонада бораётган бўлса, "Ал Қува Ал Жавия" Ироқ чемпионатида етакчилик қиляпти.