Клублар ўртасидаги ЖЧ. Бугун чорак финал ўйинлари бўлади
13 дек 2015 10:50
Новости

Клублар ўртасидаги ЖЧ. Бугун чорак финал ўйинлари бўлади

Бугун клублар ўртасидаги Жаҳон чемпионатида чорак финал ўйинлари бўлиб ўтади.

Биринчи чорак финалда Мексиканинг "Америка" ва Хитойнинг "Гуанчжоу Эвергранд" клублари тўқнаш келишади. Баҳс Тошкент вақти билан соат 12:00да бошланади. Таъкидлаш лозимки, бу ўйинда ғолиб чиққан клуб ярим финалда "Барселона"га қарши ўйнайди.

Соат 15:30да старт оладиган иккинчи чорак финалда Япония чемпиони "Санфречче Хиросима" клуби Африка чемпиони Конгонинг "Мазембе" клуби билан ўйнайди. Бу учрашув ғолиби ярим финалда Аргентинанинг "Ривер Плейт" клуби билан баҳс олиб боради.

Эслатиб ўтамиз, чорак финалнинг иккала учрашувини ҳам СПОРТ телеканали жонли равишда намойиш этади.

1/4 финал
13 декабрь 12:00 (СПОРТ ТВ LIVE)
"Америка" (Мексика) - “Гуанчжоу Эвергранд” (Хитой)
Бош ҳакам: Йонас Эрикссон (Швеция)
Қанот ҳакамлари: Матиас Класуниус ва Даниэль Варнмарк (иккиси Швеция)
Захира ҳаками: Неант Алиум (Камерун)

13 декабрь 15:30 (СПОРТ ТВ LIVE)
"Мазембе" (Конго) – “Санфречче Хиросима" (Япония)
Бош ҳакам: Вилмар Ролдан (Колумбия)
Қанот ҳакамлари: Александр Гузман ва Кристиан Де Ла Круз (Колумбия)
Захира ҳаками: Алиризо Фағони (Эрон)