Клублар ўртасида ЖЧни бошқариб борадиган барча ҳакамлар номи маълум бўлди

Ҳар бир конефдерациядан биттадан бош ҳакам танлаб олинди: Равшан Эрматов (Ўзбекистон), Маланг Дьедиу (Сенегал), Сезар Артуро Рамос Палазуэлос (Мексика), Сандро Риччи (Бразилия), Мэттью Конгер (Янги Зелландия) ва Феликс Брих (Германия).

Шуниннгдек, 8 нафар видеоёрдамчилик қиладиган ҳакамлар номи ҳам маълум бўлди. Булар Абдулраҳмон Ал Яссим (Қатар), Марк Гейгер (АҚШ), Андрес Кунья (Уругвай), Вилтон Сампайо (Бразилия), Мауро Виглиано (Аргентина), Артур Диаш (Португалия), Клеман Тюрпен (Франция) ва Феликс Цвайер (Германия).

Клублар ўртасида 6-16 декабрь кунлари Бирлашган Араб Амирликларининг Абу Даби ва Ал Айн шаҳарларида ўтказилади.