Клопп: "Қийин пайтда жамоани ташлаб кетмаслигим керак"

"Қизиллар" 12 ўйиндан кейин 16 очко тўплаган ҳолда 9-ўринда боришмоқда. Жамоа сўнгги икки турда АПЛ турнир жадвалининг охирги поғоналарида бораётган жамоаларга мағлуб бўлди.

"Лидс"га қарши ўйинда бизда яхши вазиятлар бўлди. Рақиб посбони ажойиб ўйин ўтказди. Вазиятларни голга айлантириш бобида ўз устимизда ишлашимиз керак.

Ўз навбатида бу менинг ҳам вазифам. Хатолардан қочиб, муваффақиятларга эришса бўлади. Бироқ бу паллада доимо тезда қарор чиқармаслик керак. Шундай бўлган тақдирда ҳам барчаси тезда ўз жойига тушиб кетмайди. Бироқ биз курашишдан чарчамаймиз.

Ҳеч нима ўқимадим, бироқ энди ҳамма мени танқид қилмоқда. Одамлар ҳозир менинг чарчаганимни айтишяпти. Аммо бундай эмас. Бу билан баҳона қилиб бўлмайди.

Ишим фақатгина совринлар олиб бериш эмас. Шунингдек, қийин паллада жамоани олдинга етаклай олиш, қочиб кетмаслик ҳам киради. Ҳозир ҳақиқатдан ҳам қийин даврдамиз. Умид қиламанки, қолган ўйинларда 100 фоиз куч билан ўйнаймиз", - деди "Ливерпуль" устози.