Кьеза жамоадошларидан 1 ҳафта кечроқ Англия чемпиони бўлди

Қоидаларга кўра, Англияда Премьер-лигаси олтин медалини қўлга киритиш учун бир мавсумда камида бешта ўйин ўтказиш керак. Англия Премьер-лигасининг 35-туридан ўрин олган "Стэмфорд Бриж"да "Ливерпул" 1:3 ҳисобида мағлуб бўлган "Челси"га қарши ўйинда Кьеза 82-дақиқада захирадан майдонга тушди. Кьеза 2:0 пайтида тушди ва у майдонга тушганидан кейин "Ливерпуль" сардори Ван Дейк гол урди. Ушбу ўйинда майдонга тушиш италияликка "Ливерпуль" таркибида Англия чемпиони бўлиш имконини берди.

"Қизиллар" 27 апрель куни "Тоттенхэм" устидан йирик ҳисобда ғалаба қозониб, муддатидан аввал чемпионликни қўлга киритди. Ўшанда "Ливерпул"нинг ушбу мавсумда бешта ўйин ўтказган барча футболчиларини 2025 йилда Англия чемпиони деб ҳисоблаш мумкинлиги маълум эди. Кьеза ҳисобида эса тўртта ўйин бўлган.

Кьеза 2024 йил август ойи охирида "Ливерпул"га келиб қўшилганди. Жамоа бош мураббийи Арне Слот уни камдан-кам ҳолларда майдонга туширади.