Каземиро: "Йўқотилган уч очко "Реал"ни совриндан маҳрум қилиши мумкин"
09 мар 2020 13:25
Новости

Каземиро: "Йўқотилган уч очко "Реал"ни совриндан маҳрум қилиши мумкин"

"Қаймоқранглилар" таянч ярим ҳимоячиси Каземиро "Бетис" билан ўйин (1:2) борасидаги таассуротлари билан ўртоқлашди.

"Чемпион бўлиш учун жамоа ҳар бир ўйинда яхши ҳаракат қилиши зарур. Лекин бу сафар биз яхши ўйин кўрсата олмадик. Рақиб устун келдими, уни ғалаба билан табриклаб, ишлашда давом этишимиз лозим. Сабаби биз ўтган учрашувдаги ўйинимизни кўрсата билмадик. Биз "Барселона"га қарши буткул бошқача ҳаракат қилгандик (2:0).

Биз чемпионатнинг энг муҳим палласида турибмиз. Бу мағлубият ва йўқотилган уч очко якунда бизни совриндан маҳрум қилиши мумкин. Биз ҳар бир ўйинга алоҳида тайёрланишимиз талаб этилади", – деди Каземиро.