Кассано: "Моуринью ҳеч қачон буюк мураббий бўлмаган"

Италия терма жамоаси собиқ футболчиси Антонио Кассано "Рома" бош мураббийи Жозе Моуриньюни танқид қилди.

"Моуринью ҳеч қачон буюк мураббий бўлмаган – у шунчаки ОАВ билан қандай ўйнашни биларди ва ажойиб мулоқотчи эди. У кучли ўйинчилар билан муомала қилишни яхши билади, лекин унчалик кучли бўлмаганлар билан муваффақият қозона олмайди. Буюк ўйинчилар билан дўстона муносабатда бўлиш жуда осон.

"Рома"да шунчаки офат ортидан фалокат келмоқда. У уларни Неманья Матич ва Руй Патрисиуга пул сарфлашга мажбур қилди, бу унинг қарорлари эди. У жуда тез-тез ўзини ёмон тутди. Ўтган куни "Рома" ўйинини кўриб, қусгим келди. У қандай қилиб жамоа тузишни билмайди. Ҳатто иккинчи жамоангиз билан ҳам "Кремонезе" устидан ғалаба қозона олишингиз керак.

Карсдорп билан можарога борган Моуринью уни ҳамманинг кўз ўнгида ҳақорат қилган. Энди Карсдорп қайтмоқда, ким билади нега? Бу бутунлай тартибсизлик эди. Заньолога келсак, у бу ҳақда гапира олади. Бир ярим йил давомида "Рома" муносиб футбол ўйнамади", – деди Кассано.

Аввалроқ Моуринью декабрда "Рома"ни тарк этиши мумкинлиги ҳақида хабарлар тарқалган эди.