Каррагер "Ливерпуль"ни жиддий танқид қилди

Айни дамда Юрген Клопп жамоаси 37 очко тўплаган ҳолда турнир жадвалида пешқадам бўлиб турибди.

"Ливерпуль" АПЛ чемпионлари каби кўринмаяпти. Клопп жамоасидан тартибли ва чиройли футбол намойиш этишларини ҳалигача кутяпмиз.

Буни кўрсатиш учун ушбу ой идеал: якшанба куни "Манчестер Юнайтед"га қарши ўйин, бу учрашув натижаси иккала жамоа учун ҳам муҳим. Кейин "Арсенал"га қарши баҳс.

Ушбу ойдаги ўйинлари орқали "Ливерпуль"нинг қандай салоҳиятга эга эканлигини кўришимиз мумкин. Айни дамда жамоа АПЛ пешқадами бўлиб турибди, бироқ қандай сабаб билан, тушунмаяпман. Турнир жадвали бошқа нарсани кўрсатяпти, кўзларим эса бошқа. Жамоа ҳалигача балансга тушиб олмаган. "Ливерпуль"ни тайёр ҳимоячисиз тасаввур қилиб бўлмай қолди.

"Ливерпуль"нинг ушбу мавсумдаги бирор ўйинини кўриб, вау демадим. Жамоанинг мухлислари ҳам айни пайтдаги жамоа етарлича даражада яхши эмас, деб ҳисоблашмоқда.

Жамоанинг сафар ўйинларидаги натижалари ҳам беқарор: ғалабалар қийин қўлга киритилмоқда, дурангларга ҳам осонликча эришилмаяпти. Бу энг кучли "Ливерпуль" деб айтишаётган бўлса-да, ғалабалар бир неча йил давомида қурилган асос эвазига қўлга киритилмоқда. Фикримча, бу "Ливерпуль" ҳали ҳам кучаймаган", - деди Каррагер.