Камолиддин Мурзоев: "Навбаҳор" ва Андрей Канчельскис ишини жуда кучли юридик ташкилот кўриб чиқмоқда"

"Навбаҳор"дан камроқ пул сўрамасанг, ногирон қилиб қўямиз". Россияда Канчельскисга таҳдид қилишди

"Навбаҳор" ва Андрей Канчельскис билан бўлаётган воқеалар шов-шув бўлиб кетди. Москвада россиялик мураббийга уюштирилган ҳолат ва ҳоказо. Бу иш клуб ходимлари томонидан қилинганми ёки бошқами ҳали аниқлангани йўқ. Борди-ю аниқлик киритилса футолимиз учун аянчли ҳолат бўлади. Бизга маълум бўлишича бир йил олдин мазкур ишни олиб бораётган россиялик ҳамкасбимиз юрист агарда клуб келишувга кўнса биз розимиз, деб айтганди. "Навбаҳор" футбол клуби раҳбарларига чиққанимизда қаноатлантирмайдиган таклиф айтишганди. Иккинчи томон розилик билдирмасдан, ФИФА орқали кўриб чиқишини билдирган. 

Канчельскис билан ишлаётган компания жуда кучли юридик ташкилот ҳисобланади. Юрий Зайцев, Михаил Прокопецлар фаолият олиб боришади. Игнатий Нестеров ишида ҳам илк бор уларга чиққан эдик. Натижада ёрдам беришган. Ташкилот ҳар бир ишни пухта ўрганиб чиқиб 90 фоиз ҳал қила оладиган муаммоларни кўриб чиқади. Шу боис "Навбаҳор"га осон бўлмайди. Бу сумманинг кўтарилиб кетиши нотўғри ҳолат. Мураббий билан шартномани бекор қилишдаги талабларга риоя қилишмаган",- дейди Камолиддин Мурзоев.