Жозе Моуринью: "Жамоам Европа лигасида ғолиб чиқишини истамайман"
24 мая 2017 17:39
Новости

Жозе Моуринью: "Жамоам Европа лигасида ғолиб чиқишини истамайман"

"Манчестер Юнайтед" бош мураббийи Жозе Моуринью бундан 4 йил аввал Европа лигасида ўйнаш унга тўғри келмаслигини таъкидлаб ўтганди.

Беназирнинг бу фикрларини "The Independent" нашри ёдга солди.

Ўшанда эндигина "Челси"га қайтган Моуриньюдан англиялик журналистлар Бенитеснинг Европа лигасидаги муваффақияти ҳақида сўрашганида, "special one", яъни беназир шундай деганди:
"Шахсан мен жамоам билан Европа лигасида ғолиб чиқишни истамасдим. Бу турнирдаги ғалаба менга хурсандчилик улашмайди. Мени футболчиларим Европа лигасида ўйнашларини хоҳламайман. Чунки Европа лигаси бизнинг турнир эмас".

Орадан 4 йил ўтиб эса Моуринью "Манчестер Юнайтед" билан Европа лигаси финалига қадар етиб келди ва бугун финалда "Аякс" билан беллашади.

Қизиқ, Моуринью энди Европа лигасида ғолиб чиқишни истаётганмикан?

Чунончи, "Манчестер Юнайтед" бош мураббийи жорий мавсумда эътиборни Европа лигасига қаратаётгани ва бу мусобақадаги ғолиблик асосий мақсад эканини таъкидлаб ўтганди.

Эслатиб ўтамиз, Жозе Моуринью 2003 йили "Порту" билан ўша пайтдаги УЕФА кубоги, ҳозирги Европа лигасида ғолибликни қўлга киритган.

Ссылка :

Источник : championat.asia

Получайте новости прямо в Telegram!

Рейтинг: +8