Жасур Абдураимов: “Натижадан кўнглим тўлди, аммо ўйин борасида эътирозлар бор”

“Бугун ғалаба қозондик ва натижадан кўнглим тўқ. Аммо, ўйин борасида эътирозларим йўқ эмас. Биринчи бўлимдаги ўйинимизни иккинчи бўлимда кўрсата олмадик. Захирадан майдонга тушиб, ўйинни кучайтириши лозим бўлган футболчилар унчалик ишончни оқлашмади. Интизом борасида ҳали ишлашимиз керак”, - дейди Абдураимов.

“Ҳимочимизга кўрсатилган қизил карточка борасида эътирозим йўқ. Ҳакам қизил карточка кўрсатган бўлса, демак бунга асоси бор. Ҳакам қарорини муҳоакама қилмайман. Бу карточка ўйинимизга таъсир қилгани йўқ. Аммо, бироз интизомни мустаҳккамлаш керак”, - дейди Ўзбекистон ёшлар терма жамоаси бош мураббийи.

Ўзбекистон ёшлар терма жамоаси мураббийи шунингдек, сўнгги турда Бангладеш ёшларига қарши кечадиган ўйин борасида ҳам ўз фикрини билдирди. “Аввал ҳам айтганимдек, биз барча рақибларимизга бир хил муносабатдамиз ва уларни хурмат қиламиз. Бангладеш терма жамоасининг Шри-Ланкага қарши ўйинини кўрдим ва керакли ҳулосаларни чиқариб олдик. Умуман, ўйиндан олдин рақибнинг кучли ва кучсиз томонларини муҳокама қилиш рақибга нисбатан хурматсизлик бўлади. Бангладеш терма жамоасининг ўйинлари ва уларнинг камчиликлари ҳақида Бангладеш терма жамоаси мураббийи жавоб бергани маъқул”, - деди Абдураимов.