Жамшид Саидов: "Таркибимизда мамлакатимизнинг энг етакчи футболчилари жамланган"
28 июл 2016 21:35
Новости

Жамшид Саидов: "Таркибимизда мамлакатимизнинг энг етакчи футболчилари жамланган"

"Бухоро" - "Қўқон-1912" (2:0) учрашувидан кейин мезбонлар бош мураббийи Жамшид Саидов ўз фикрларини билдирди.

"Бухорода деярли бир ойдан бери футбол йўқ эди, мухлисларимиз шу кунни кутиб яшашди. Уларни бугунги ғалаба билан табриклайман. Бугунги ғалабани айнан мухлисларимизга бағишлаймиз.

Ўйин борасида гапирадиган бўлсам, бугун икки хил тайм гувоҳига айландик. Биринчи бўлимда ўйинимиз қовушмади, иккинчи бўлимда футболчиларимиз ўз ўйинларини намойиш эта олишди ва керакли натижани қўлга киритдик. Биз хорижлик бир нечта ҳужумчи билан деярли келишувга эришган эдик, лекин ушбу легионерлар оилавий сабабларга кўра сўнгги паллада ўз мамлакатларини тарк эта олишмади. Нима бўлса ҳам, ҳозир бизда мавжуд футболчилар мамлакатимизнинг энг етакчиларидан бири саналишади, биз уларга ишонамиз", - дейди Жамшид Саидов.

- Жамшид Ҳасанов нега жамоани тарк этди?
- Унга ўйин амалиёти зарур, у акасининг позициясида ўйнайди. Шу сабабли унга асосий таркибга кира олмади. Жамшид анча савияли футболчи, ўйлайманки Жиззахда у ҳали ўз сўзини айтади.

- Камолиддин Мурзоевнинг кейинги тақдири нима бўлади?
- Мурзоев худога шукур анча тузалиб қолди. "Олмалиқ" билан ўйиндан олдин у умумий гуруҳга қўшилиб, машғулотларга киришади.

"Бухоро" матбуот хизмати

Ссылка :

Источник : championat.asia

Получайте новости прямо в Telegram!

Рейтинг: +13