Жалолиддин Машарипов: "Энди ёш футболчи эмасмиз, айрим бир вазиятларда масъулиятни ўз бўйнимизга олиб, вазиятни ўзгартиришимиз керак"
11 сен 08:36
Новости
Жалолиддин Машарипов: "Энди ёш футболчи эмасмиз, айрим бир вазиятларда масъулиятни ўз бўйнимизга олиб, вазиятни ўзгартиришимиз керак"
- Қирғизистон терма жамоасида бугун кичик устунлик бўлишини билардик. Рақибларимиз ўз уйларида ўйнаётгани қўшимча куч берди. Бугун стадион очилиши бўлди ва шу сабабли стадионга жуда кўп мухлислар ташриф буюрди. Бу учрашув ҳақиқий дербидек ўтди.
Ўзимиз кичик хатоларга йўл қўйдик. Рақиб эса бундан унумли фойдаланди, лекин йигитлар ўзини йўқотиб қўйишмади ва ўтказиб юборилган голлардан сўнг уйғонишди. Чиройли "камбэк" амалга оширдик.
- Биринчи бўлимда маълум бир вақт ўзингиз учун асосий бўлмаган ҳужумчи позициясида ўйнадингиз. Ўз қанотингизни ташлаб, майдон марказига ўтиб олганингизга нима сабаб бўлди?
- 10-15 дақиқа вақт ичида олдинда камчилик бўлиб қолган эдик. Майдон маркази эса бироз бўшаб қолганди, Насруллаев эса қанотни тўлиқ эгаллай олишини билардим. Шу сабабли майдон марказига ўтиб, Элдор билан Остонга вазиятлар яратиб беришга ҳаракат қилдим. Шундан сўнг вазиятларимиз сони кўпайди. Энди ёш футболчи эмасмиз, айрим бир вазиятларда масъулиятни ўз бўйнимизга олиб, вазиятни ўзгартиришимиз керак.
- Ўзбекистон терма жамоаси кўп учрашувлардан бери ўйин давомида мағлубият бўлаётганига қарамай, натижани ўз фойдасига ҳал эта оляпти. Бугун ҳам баҳс давомида икки маротаба ҳисобда ортда бораётгандик, аммо якундан ғалаба қозондик. Ушбу ҳолатга фикр билдириб ўтсангиз?
- Футболчиларимизда руҳий томонлама ўзига бўлган ишонч бор. Бу бизнинг биринчи "камбэк"имиз эмас, анча вақтдан бери бундай иродали ўйин намойиш этяпмиз. Имкон қадар "камбэк"ларсиз ғалаба қозонишимиз керак. Шунда мухлисларга ҳам, бизга ҳам осонроқ бўлади. Футболчиларимиз гол ўтказиб юборганимиздан сўнг хотиржам ҳаракат қилишмоқда.
- Гуруҳда асосий рақибимиз дея кўрилган Қатар бугун КХДРни мағлуб эта олмади. Амалдаги Осиё чемпионлари иккита турда бор-йўғи бир очко тўплашди. Гуруҳдаги вазиятга баҳо бериб ўтсангиз?
- Кўпчилик биздан КХДРни йирик ҳисобда мағлуб этишимизни кутаётганди. Бугун эса, КХДР Қатар билан дуранг қайд этди. Бу циклда кучсиз терма жамоанинг ўзи йўқ. Қирғизистон ҳам бугун буни исботлади ва жуда яхши курашди. Бундай саралашда ҳар битта гол ва ҳар бир очко жуда муҳим роль ўйнайди. Якунда, руҳий томонлама кучлироқ жамоа ғалаба қозонади.
Абдулвосит Бектемиров суҳбатлашди
Похожие новости
championat.asia
ЖЧ-2026 саралаши. Марказий Осиё дербисида Ўзбекистон камбэк қайд этди ва гуруҳда пешқадамга айланди
ЖЧ-2026 саралаши. КХДР ва Қатар муроса кўчасини танлашди
ЖЧ-2026 саралаши. Қирғиз Республикаси - Ўзбекистон: Асосий таркибимиз маълум
ЖЧ-2026 саралаши. Эрон БААни қийинчилик билан мағлуб этди. Ўзбекистон иккинчи турдан кейин тўплар нисбатига кўра биринчи ўринда
Комментарии
Жасур Яхшибоев сўнган юлдуз. Айни пайтда умуман термага тортмайди. Химояда хам хужумда хам эффекти яхши эмас хозир, даже реалга гол урган бўлсаям.
Игорга соғлик ва омад тилаймиз. У тезроқ тикланса бизга хақиқатдан хам фойдаси катта.
Ўткир ва Абдувохидни савияси бир хил. Ким туришини менга фарқи йўқ. Лекин охирги 2 ўйинда Ўткир қовун туширмади, керакли вазиятларда жамоасини қутқарди
Qatarga penaltini chichib qo‘ygan shu aqllimidi?
Uka qachon bunday bir jiddiy jamoaga qarshi natija qilding? Sh.Koreyaga bitta gol urib, bir narsani qoyil qildingmi? Qachondan beri sh. Koreya biz uchun yengib bo‘lmas raqib bo‘b qoldi? Golni nishonlashni ham chichib qo‘yding, anavi ebanutiy penalduga o‘xshab men shu yerdaman men shu yerdaman. O‘ hum kalla sen shu yerdaliging uchunmas, Alloh hohlagani uchun, jamoadoshlaring shu yerdaligi uchun gol urding. O‘zing aldab borib ursangam boshqa gap edi. Braklaring juda ko‘p. Maqtanishingni qara "biz yosh o‘yinchimasmiz". Katta o‘yinchida shuncha brak bo‘ladimi, qiziq? Senda ham penalduga o‘xshab futbol yo‘q. Faqat piar, o‘ziga oro berish, faqat shu tomondan etibor tortish. Lekin futbol yo‘q.