Жалилов навбатдаги йиғинга чақирилган таркибни 2 октябрь куни эълон қилади

23 ёшгача бўлган футболчилар ўртасидаги Осиё чемпионатига тайёргарлик кўраётган олимпиячилар 9-13 октябрь кунлари Тошкентда навбатдаги йиғинини ўтказади.

Шуни алоҳида қайд этиш керакки, Олимпия терма жамоаси Осиё чемпионатига тайёргарликнинг асосий қисмини БААнинг Дубай шаҳрида ўтказади. Икки босқичли тайёргарликнинг биринчиси 2-14 декабрь кунларига тўғри келса, иккинчиси 17-28 декабрь кунлари бўлиб ўтади. 9 январда бошланадиган Осиё чемпионатига бориш олдидан ҳам олимпиячилар 2 январда Дубайга жўнаб кетиб у ерда яна бир ҳафта мобайнида ташкил қилинадиган йиғинда мусобақага тайёргарлик кўрадилар.

Виктор Жалилов бошчилигидаги олимпия терма жамоасининг олимпиада йўлланмасини қўлга киритиш йўлидаги тайёргарлик жараёни учун Ўзбекистон Футбол Федерацияси мураббийлар штабининг талаблари асосида мавжуд шарт-шароитларни муҳайё қилиб берган. Тайёргарликнинг режа асосида боришини бош мураббий назорат қилиб боради ва федерация раҳбариятига ҳисобот беради.