Ихтиёр Ропиев: "Мақсадимиз йўлида исталган рақиб билан ўйнашга тайёрмиз"
27 сен 2022 21:15
Новости

Ихтиёр Ропиев: "Мақсадимиз йўлида исталган рақиб билан ўйнашга тайёрмиз"

Теги : Ихтиёр Ропиев Ўзбекистон футзал терма жамоаси

Ўзбекистон футзал терма жамоаси бугундан Қувайтдаги Осиё чемпионатида ўз юришини бошлади.

Гуруҳ босқичининг дастлабки турида Туркманистонга қарши тўп тепган вакилларимиз йирик 8:0 ҳисобида ғалаба қозонди. Мазкур учрашувдан сўнг терма жамоамиз аъзоси Ихтиёр Ропиевнинг фикрлари билан қизиқдик.

"Ҳар қандай мусобақада биринчи ўйин доим қийин ўтади. Яхши тайёрланган эдик. Натижа ҳам шунга мос бўлди. Навбатдаги баҳсга бугунданоқ тайёргарликни бошлаймиз. Туркманистонга келсак, улар Тошкентда бизга қарши муносиб қаршилик туғдира олишганди. Биз қийналгандик. Бугун расмий ўйинда ғалаба қозондик. Мақсадимиз йўлида исталган рақибга қарши ўйнашга тайёрмиз. Мухлислардан бизни қўллаб-қувватлаб туришларини сўраб қоламан.
Баҳрайн ҳақида ҳеч қандай маълумотга эга эмасман. Насиб қилса, бу терма жамоага қарши бор имкониятимизни ишга соламиз",- дейди Ропиев.

Ссылка :

Источник : championat.asia

Получайте новости прямо в Telegram!

Рейтинг: +2