Иван Ракитич: "Бенфика"ни ҳурмат қиламиз"

Европа лигаси финалига етиб келиш учун тўққиз ой тинмай меҳнат қилдик. Ҳар қандай жамоа финалгача етиб келар экан, кейин албатта ундаги ғалаба ҳақида ўйлай бошлайди. "Бенфика" жамоаси ҳақида шуни айтиш мумкинки, улар жуда бой тажрибага эга клуб. Португалия клуби бундай мусобақа финалларида кўп иштирок этишган.
Ўтган мавсумда ҳам бу жамоа Европа лигаси финалига қадар етиб келган эди. Биз "Бенфика"ни ҳурмат қиламиз. Лекин биз фақат ўз ўйинимиз ҳақида ўйлашимиз керак.
Финалда ғалаба қозонишимиз зарур. Бўлмаса мухлислар "Порту" ёки "Валенсия" билан бўлган ўйинларни ёдларида узоқ сақлашмайди. Бундан фойда йўқ. Асосий вазифа бу турнирда мухлисларга чинакамига байрамни тақдим этиб беришимиз керак.