Иван Нагаев: «Янги мавсумнинг биринчи голини киритганимдан хурсандман»

«Локомотив» футболчилари сафарда «Навбаҳор» клубига қарши тўп сурдилар ва Иван Нагаев киритган ягона гол эвазига дастлабки уч очкони қўлга киритди. "Навбаҳор" - "Локомотив" (0:1) учрашувидан сўнг биз Иван Нагаев билан боғландик кичик флеш-интервью олдик.

- Ғалаба қозониш ва унда гол киритиб жамоага фойда келтириш ҳар доим ёқимли, - дея сўз бошлади ҳужумчи. Бизда гол киритиш учун кўплаб вазиятлар бўлди. Аммо бир неча вазиятларда мендан ва жамоадошларимдан омад юз ўгирди. Сафимизда ўз ишининг ҳақиқий усталари йиғилган. Ҳар бир чизиқда кучли рақобат бор. Ушбу мавсумда биз ўз олдимизга юқори мақсадларни қўйганмиз. Биз бунданда сермахсул ва чиройли ўйин кўрсата оламиз. Янги мавсумнинг биринчи голини киритганимдан хурсандман. Бу мавсумда янада кўпроқ голлар киритиб «Локомотив»га фойда келтиришни ҳохлайман, - дея сўзини якунлади Ваня.