Иван Нагаев: "Менимча, биринчи голда қоида бузилмаганди"

- Ўйин қизиқарли кечди, - дейди Иван Нагаев. - Иккала жамоа ҳам ғалаба учун ҳаракат қилди. Омад шу куни меҳмонлар томонида бўлиб, "Локомотив" 2:1 ҳисобида ғалаба қозонди.

- Биринчи таймда гол ургандим, лекин ҳакам голни ҳисобга олмади. Ўша вазиятда мен дарвозабон Нестеровдан тўпни олиб қўйиб бўш дарвозани ишғол этдим. Ҳакам эса анча узоқда турганди ва у тўп қўлга тегди деб голни ҳисобламади. Менимча, бу вазиятда қоида бузилмаганди, барибир голни ҳисоблаш-ҳисобламаслик ҳакамларга боғлиқ.

- Ҳисоб 1:2 бўлгач, ўйин охирларида Филипосян яна гол урди, аммо у вазиятда ҳакам ҳуштагини чалиб бўлганди. Шу боис бир нарса дея олмайман. Лекин биринчи гол нима учун ҳисобга олинмаганини ҳалигача тушунмаяпман. Собиқ жамоам "Локомотив"ни ғалаба билан табриклайман ва энди бор эъборимизни кейинги ўйинларга қаратамиз.