Италияда яна бир футболчининг уйига ўғри тушди

Ўтган ҳафтада "Удинезе" футболчиси Антонио Ди Натале ҳамда "Наполи" ярим ҳимоячиси Адам Унанинг уйи тунаб кетилганди.

"La Gazzetta dello Sport" хабарига кўра, жума оқшомида "Женоа" посбони Сальваторе Сиригунинг уйига ўғри тушган. Бу пайтда жамоа А Серия доирасида "Лацио"га қарши сафар ўйинида иштирок этаётганди.

Ушбу ўғриликни маҳаллий "акробатлар" тўдаси уюштиргани маълум қилинди. Улар доимо уйга трубаларга тирмашиб чиқиб, ойна орқали уйларга киришади.

Хабарларга кўра, Сиригунинг олтин ва кумуш буюмлари ўғирлаб кетилган.