Ислом Исмоилов: "Футболчилар бир-бирларини тушуниб олишлари учун вақт керак"

"Рақибимиз "Бунёдкор", ўз услубига эга, сифатли ўйин намойиш қиладиган жамоа. Шунинг учун бугун таркибимизга ўзгаришларни амалга оширдик. Кеча "Истиқлол"га қарши баҳсда майдонга тушиб бир бўлим ҳаракат қилган футболчиларни бугун ҳам таркибга киритдик. Биринчи бўлимда "Бунёдкор"да хавфли вазиятлар кўпроқ бўлган бўлса-да, танаффусга биз ғолиб сифатида йўл олдик. Аммо иккинчи бўлимда диққатни йўқотишимиз натижасида иккита гол ўтказиб юбордик. Шундан сўнг футболчилар ўзларига келишди ва биз хоҳлаган ўйинни намойиш қилишди. Таркибимизда бир қатор ёш футболчилар бор. Қолаверса, жамоанинг ўзи деярли янгиланган, ўйинчилар бир-бирларини тушуниб олишлари учун вақт керак. Умумий маънода бугунги учрашувдан қониқиш ҳосил қилдим. Ўйлашимча, баҳс ҳар иккала жамоа учун ҳам фойдали бўлди",- дейди Ислом Исмоилов.