Ислом Аҳмедов: "Олий лигада 12та жамоани қолдириш тўғри қарор бўлмайди"
13 окт 2017 13:11
Новости

Ислом Аҳмедов: "Олий лигада 12та жамоани қолдириш тўғри қарор бўлмайди"

Таниқли мутахассис, бугунги кунда ОФК йўриқчиси сифатида ишлаб келаётган Ислом Аҳмедов "Футбол Экспресс" газетасига берган интервьюсида ўзбек футболида рўй бераётган ўзгаришлар ҳақида тўхталиб ўтди.

"Футболимизда ўзгаришлар катта. Лекин ҳаммасига вақт керак. Осиёда 43та мамлакат бўлса, биз ҳар сафар жаҳон чемпионатига чиқишга даъвогарлардан биримиз. Мен кўплаб давлатларда бўлганман ва ўзаро солиштирув туфайли шуни айтишим мумкин, биздаги аҳвол ёмон эмас. ЎФФга янги раҳбарият келди ва улар шаффофликни юзага чиқармоқчи. Мен бу йўлда омад тилайман. Олдинги раҳбарият ҳам кўп ишларни қилди, буни унутмаслигимиз керак".

Ислом Аҳмедов шунингдек, олий лигада 12та жамоа қолиши ҳақидаги миш-мишларга ўз муносабатини билдирди.

"Олий лигада 12та жамоани қолдириш менимча ўзини оқламайди. Бизда 34 миллион аҳоли бор, шундай экан, қандай қилиб 12та жамоа қолдириш мумкин? Қолаверса, бизнинг чемпионат Туркманистон, Тожикистон ва Қирғизистонники билан бир хил эмас. Олий лигада камида 16та клуб бўлиши керак. Хоразм ва Қорақалпоғистондан ҳам биттадан жамоалар бўлишини истардим. Менга қолса, 18та жамоа бўлсаям майли. Негаки футбол Ўзбекистонда биринчи рақамли спорт тури ҳисобланади. Аммо 12та жамоани қолдириш тўғри қарор бўлмайди".

Ссылка :

Источник : championat.asia

Получайте новости прямо в Telegram!

Рейтинг: -12