“Интер” ва МЮ футболчи алмаштириши мумкин

Қайд этилишича, “Манчестер Юнайтед” ҳамда “Интер” футболчи алмаштириш борасида музокара олиб бормоқда. Миланликлар МЮдан ижарага олинган Алексис Санчесни клубда олиб қолиш ниятида. Аммо клуб уни сотиб олиш имкониятига эга эмас. Шу боисдан “Интер” Санчесни айни дамда “Бавария”га ижарага берилган Иван Перишичга алмаштириш ниятида. “Қизил иблислар” бир неча йил олдин Иван Перишичга жиддий қизиқиш билдирганди. Маълум бўлишича, Иваннинг хизматларига “Эвертон”дан ҳам жиддий қизиқиш бор.