"Интер Майами" Мессини сотиб олишига ишончи комил. Лео МЛС тарихидаги энг кўп маош олувчи футболчига айланди
28 ноя 2022 00:26
Новости

"Интер Майами" Мессини сотиб олишига ишончи комил. Лео МЛС тарихидаги энг кўп маош олувчи футболчига айланди

Лионель Месси фаолиятини АҚШда давом эттириши мумкин.

Манбанинг хабарига кўра, 35 ёшли аргентиналик футболчи Майамининг "Интер" клубига ўтишга яқин турибди. МЛС клуби Қатардаги жаҳон чемпионатидан сўнг Месси билан шартнома имзолашига ишонч билдирмоқда.

Шунингдек, клуб Месси билан шерик бўла оладиган футболчилар билан таркибни кучайтирмоқчи. Номзодлар орасида Леонинг "Барса"даги собиқ жамоадошлари Сеск Фабрегас ва Луис Суарес ҳам бор.

Месси МЛС тарихидаги энг кўп маош олувчи футболчига айланиши кутилмоқда. Эслатиб ўтамиз, Дэвид Бекхэм Майами клубининг эгаларидан бири ҳисобланади. Таъкидланишича, унинг таъсири келишувда муҳим рол ўйнайди.

Шуни ҳам таъкидлаш жоизки, Мессига "Интер"нинг жойлашуви қулай, чунки унинг Майамида шахсий қароргоҳи бор ва ҳужумчи таътилларни тез-тез шу ерда ўтказади.

Ссылка :

Источник : The Times

Получайте новости прямо в Telegram!

Рейтинг: +1