"Интер" белгиялик футболчисини трансферга қўйди

"Интер" хавбеки Ража Наингголан шу ёзда жамоани тарк этиши мумкин. "Неразурри"лар бош мураббийи Антонио Контенинг тавсиясига биноан белгиялик трансферга қўйилди.

31 ёшли Наингголан ўтган йил ёзда "Рома"дан "Интер"га ўтган эди. У яна Римга қайтмоқчи. Фақат "Интер" уни 29 миллион евродан камига қўйиб юбормоқчи эмас.

"Интер" ўтган йил ёзда футболчига 24 миллион евро тўлаган ва бу битимга Давиде Сантон ва Николо Заньолони ҳам қўйиб юборган эди.

Ража жорий мавсум "Интер" либосида жами 36та ўйин ўтказиб, 7та гол ва 3та ассистга эришган.