Илёс Қурбонов: "Қаршида ўйнаб қайтганимиз сабабли тайёргарлик кўриш учун бизда 1 кун вақт бўлди"
04 дек 2024 19:54
Новости

Илёс Қурбонов: "Қаршида ўйнаб қайтганимиз сабабли тайёргарлик кўриш учун бизда 1 кун вақт бўлди"

Суперлига учун ўтиш ўйинидан ўрин олган "Қўқон-1912" – "Металлург" (1:1, пенальтилар бўйича – 3:2) учрашувидан кейин бекободликлар устози Илёс Қурбонов фикрларини билдириб ўтди.

- Ўйин ҳақида

- Авваламбор, "Қўқон-1912" жамоасини Суперлига йўлланмаси билан табриклайман! Қийин ўйин бўлишини билардик. Рақиб кўпроқ узун паслар билан ўйнайди, курашларга кўп киришади. Айнан шу жиҳатларни инобатга олиб, тайёргарлик кўргандик. 4 кун олдин "Насаф" билан Қаршида ўйнаб қайтганимиз сабабли тайёргарлик кўриш учун бизда 1 кун вақт бўлди. Болаларда чарчоқ борлиги яққол кўриниб турди.

- "Қўқон-1912" ниманинг ҳисобига ғалаба қозонди деб ўйлайсиз?

- "Қўқон-1912" стандарт вазият эвазига ғалабага эришди. Стандартни голга айлантиришди. Рақибда хавфли вазиятлар кўп бўлмади, аммо иштиёқ ва ғалабага бўлган хоҳиш жуда юқори эди.

- Баъзи мураббийлар пенальтига тайёрланади, баъзилар эса йўқ. "Металлург" серияга тайёргарлик кўрганмиди?

- Пенальтиларга тайёрланган эдик. Пенальти – бу лотерея, омад. Пенальти вақтида кўпроқ психологик тайёргарлик муҳим роль ўйнайди. Бугун пенальтиларда омад қўқонликларга кулиб боқди.

Ссылка :

Источник : Championat.asia

Получайте новости прямо в Telegram!

Рейтинг: +1