Икром Алибоев: "Осиё Кубогидаги дебютим туғилган кунимга тўғри келди"
10 янв 2019 12:48
Новости

Икром Алибоев: "Осиё Кубогидаги дебютим туғилган кунимга тўғри келди"

Ўзбекистон терма жамоаси ярим ҳимоячиси Икром Алибоев Уммонга қарши бўлиб ўтган Осиё Кубогининг биринчи тур учрашуви ҳақида фикр билдирди.

- Осиё Кубогидаги дебютингиз ва туғилган кунингиз билан табриклаймиз. Ўзбекистон - Уммон учрашуви ҳақида қандай фикрдасиз?
- Табрик учун раҳмат. Баҳс қийин ўтди, лекин шунга қарамай ғалабага эришдик. Бу туғилган кунимга ажойиб совға бўлди.

- Ўзбекистон терма жамоаси ҳужумга ўтишда қийинчиликларга дуч келди. Эктор Купер ўйиндан олдин қандай кўрсатма берган эди?
- Мураббий тўп билан кўпроқ муомала қилиш ҳақида гапирганди, аммо рақиб бунга имкон бермади. Уммон терма жамоаси тўпни ўзида сақлаб, пас ўйнашди. Бугунги ўйинда бир-биримизни тушунишда муаммолар юзага келди, ўртоқлик ўйинлари йўқлиги бунга сабаб бўлгандир. Лекин ғалабага эришдик, энг асосийси шу.

- Ўйин якунланиши билан футболчилар махсус йўлакча орқали сизни туғилган кунингиз билан табриклашди...
- Жуда ёқимли бўлди. Осиё Кубогидаги дебют ўйиним туғилган кунимга тўғри келди ва унда ғалабага эришдик. Жуда хурсандман.

Ссылка :

Источник : championat.asia

Получайте новости прямо в Telegram!

Рейтинг: +40