Иккинчи лига. “Бунёдкор”нинг иккала жамоаси кейинги босқичда
12 авг 2016 14:34
Новости
![](https://championat.asia/upload/storage/218203_original.jpg)
![](/upload/storage/218203_220.jpg)
Иккинчи лига. “Бунёдкор”нинг иккала жамоаси кейинги босқичда
Мусобақа регламентига кўра, 32та жамоа тўртта гуруҳда кураш олиб боришди. Гуруҳ босқичи якунига кўра, 1-2 ўринни эгаллаган жамоалар иккинчи босқич йўлланмасини қўлга киритишди.
“Бунёдкор” ФКнинг 1998/1999 йилларда таваллуд топган футболчилардан иборат ҳар иккала жамоаси 2-босқичга биринчи ўрин билан йўлланма олишди.
Дилмурод Абдуллаев бошчилигидаги “Бунёдкор-А” жамоаси “В” гуруҳида иштирок этиб, 37 очко жамғарган ҳолда биринчи ўринни эгаллади.
“Бунёдкор-Б” жамоасига Дмитрий Ким устозлик қилмоқда. У ўз шогирдлари билан барча учрашувларни ғалаба билан якунлаб, 48 очко жамғарган ҳолда ўз гуруҳида энг яхши кўрсаткич қайд этди.
Шу тариқа, 2-босқичга йўлланма олганлар:
“Намуна” ва “Трамвайчи” (“A” гуруҳи);
“Бунёдкор А” ва “Кўзтекс” (“В” гуруҳи);
“Бунёдкор Б” ва “Локомотив БФК” (“C” гуруҳи);
“Сергели” ва “Ўрикзор” (“D” гуруҳи).
Жамоалар кейинги босқичга “олтин” очколар билан йўлланма олишди. Яъни, гуруҳдаги асосий рақобатчилари бўлган ва кейинги босқичга йўлланма олган жамоалар билан ўтган ўзаро ўйинларда жамғарилган очколар 2-босқичда ҳисобга олинади. Унга кўра, иккала жамоаси ушбу босқични олти очко билан бошлайдилар.
Похожие новости
![AMP Logo](https://championat.asia/image/logo-amp.png)
Комментарии