Игор Сергеев: "Ҳужумчи машғулотларда ҳам гол уришни истайди"

"Жамоамиз КХДРга қарши ўйинга тайёргарлик кўрмоқда. Ўйлашимча, кўпчилик футболчилар оптимал формадалар. Баъзилар учун энди чемпионат якунланган. Олий лигада ўйнаётган футболчилар эса мавсумни давом эттиришмоқда. Рақиб ҳақида гапирадиган бўлсам, улар асосан ҳаводаги якка-курашларда яхши ўйнашади. Биз ўз ўйинимиз орқали ўрта чизиқдан ва қанотлар орқали ҳужумлар ташкил этишга ҳаракат қиламиз. Муҳими муносиб тарзда ўйнашимиз керак. Ҳар доим ҳам гол уришни мақсад қиламан. Бу хоҳ ўртоқлик учрашуви бўлсин, хоҳ расмий. Ҳужумчи машғулотларда ҳам гол уришни истайди. Терма жамоа миқиёсида эса гол уриш истаги янада ортади. Худо хоҳласа яна КХДР дарвозасини ишғол этиб, ғалабага сабабчи бўладиган гол уришга ҳаракат қиламан. Ўз имкониятларимиздан имкон қадар унумли фойдаланишимиз лозим. Асосийси ким гол уриши эмас, муҳими ғалаба қозониш", - дея ўз фикрларини якунлади Игор Сергеев.

Шаҳбоз Беғамов суҳбатлашди