Ҳамиджон Актамов: "Бугун муҳим икки очкони қўлдан чиқардик"
02 июл 2015 12:10
Новости

Ҳамиджон Актамов: "Бугун муҳим икки очкони қўлдан чиқардик"

"Қизилқум" — "Нефтчи" учрашувидан сўнг, иккинчи бўлиб мезбонлар бош менежери Ҳамиджон Актамов ўйин ҳақида ўз фикрларини журналистлар билан ўртоқлашди.

— Бугунги учрашув осон кечмаслигини аввалдан билардик, — деди Ҳамиджон Ғуломович. — "Нефтчи" бежизга чемпионат жадвалида етакчиларни таъқиб қилмаяпти. Ўйиндан олдин фарғоналиклар учрашувлари туширилган дискларни томоша қилиб, рақибни ўрганишга ҳаракат қилдик. Шунга қараб бугун ўйинни ташкил этишга уриндик. Рақиб — жиддий, аммо ғалаба қозонсак бўлардик.

Афсуски, йигитлар жуда кўплаб қулай вазиятларни кўкка совуришди. Жамоамиз ўйинидан кўнглим тўлди. Бироқ натижадан қониқмадим. Ачинарлиси, бугун икки очкони қўлдан чиқардик.

Энди йигитларга ўн кунлик таътил берилади. Шундан сўнг, Навоийда йиғиламиз. 15 июлда пойтахтимиздаги "Футбол-МЕД" соғломлаштириш марказида тиббий кўрикдан ўтилади. Сўнгра режага кўра, Тошкент вилоятида ўқув-машғулотлар ташкил этамиз.

Албатта, давралар оралиғида таркибда айрим ўзгаришлар амалга оширилади. Дарвозабонлардан кўнглимиз тўқ. Бироқ бошқа чизиқларга янги ўйинчиларни таклиф этиш ниятимизда. Мақсадимиз эса иккинчи давра баҳсларида мухлисларга чиройли ғалабалар туҳфа этишдир.

Ссылка :

Источник : fcqizilqum.uz

Получайте новости прямо в Telegram!

Рейтинг: