Ҳафта юлдузлари
25 мар 2014 07:00
Новости
![](https://championat.asia/upload/storage/122559_original.jpg)
![](/upload/storage/122559_220.jpg)
Ҳафта юлдузлари
Демак ўтган ҳафтада яхши ўйин кўрсатиб, мухлислар олқиши ва эътиборига сазовор бўлган футболчилардан рамзий терма жамоа тузиб чиқдик.
Дарвозада "Сампдория" посбони Да Коштани қўйишни мақул деб топдик. Ушбу дарвозабон агарда "Верона" билан ўйинда ўз кучини кўрсата олмаганида, "Сампдория" бу қадар катта устунлик эвазига рақибини мағлуб эта олмасди. да Кошта бу ўйинда еттита "сейв"ни амалга оширди. Тассано, да Кошта!
Энди ҳимоя чизиғидагиларни танлаб оламиз. "Халл Сити" ҳимоячиси Лиам Росеньор "Вест Бромвич" билан бўлган учрашувни жуда яхши ўтказди. Гол киритиши билан бирга а ҳимояда ҳам ишончли ҳаракат қилди. Бу эса жамоасинининг ўйинда ижобий натижани қайд этишига сабабчи бўлди.
Ромейн Данзе "Ренн" ҳимоячиси ҳам ушбу таркибдан ўрин олди. Ушбу ҳимоячи рақиб ҳужумини зарарсизлантиришда жуда фаол бўлди.
Мартин Дэмичелис ҳам "Ҳафта юлдузлари" қаторида бўлишга арзирли ўйин кўрсатди. "Манчестер Сити" ҳимоячиси Демичелис биринчи бор "шаҳарлик"лар таркибида гол киритишга мувофақ бўлди ва жамоаси ғалабасига муносиб ўлуш қўшди.
"Ливерпуль" аъзоси Мартин Шкртел ҳам ўзининг ишончли ҳаракати ва гол уриш қобилияти эвазига бу сафарги "Ҳафта юлдузлари" таркибидан жой олди. Мартин Шкртел бу ўйинда иккита гол киритиб, "Ливерпуль" ғалабасига замин яратди.
"Тоттенхэм" футболчиси Кристиан Эриксен ярим ҳимоя чизиғида ҳаракатланади. Ушбу футболчи ўтган ҳафтада жуда сифатли ва чиройли футбол кўрсатди. Голландиялик футболчи жамоасини қийин ҳолатдан олиб чиқиб кета олди. Аввалига муҳим голни киритган бўлса, кейинчалик ғалаба голига сабабчи бўлди.
Жордон Матч жамоаси гарчи "Ливерпуль"дан йирик ҳисобда мағлуб бўлган бўлсада, Матч бу ўйинда жуда ажойиб ҳаракат қилди. "Ливерпуль" дарвозасига иккита гол ва бир бор голли узатмани қайд этди.
Яя Туре "Манчестер Сити" сафида ўтган ҳафтада энг яхши футболчи бўлди. "Фулхэм"га қарши кечган ўйинда туре хет-трикни қайд этди.
"Бавария" етакчиси Бастиан Швайнштайгер бу сафарги "Ҳафта юлдузлари" қаторидан ҳам жой олди. "Бавария" "Майнц"га қарши кечган баҳсда 82-дақиқагача рақиб дарвозасини ишғол эта олмаётган эди. Ўйин тугашига саноқли дақиқалар қолганида Бастиан рақиб жарима майдончасида пайдо бўлди жамоаси учун муҳим бўлган голга муаллифлик қилди.
Энди навбат ҳужум чизиғига. Ким ҳам бўлар эди? Албатта Суарезда. Ўтган ҳафтада Луис Суарез "Ливерпуль"ни қийин ҳолатдан чиқариб олди. Бу футболчи доимгидек беназир ўйинлари билан бошқалардан яққол ажралиб турди.
Луис Суарезга тандем сифатида Лионель Мессини танладик. Бу фтболчи "Реал" дарвозасига оз эмас, кўп эмас нақд учта гол киритишни уддасидан чиқди. Лопез қўриқлаган дарвоза томон уч марта тўп тепган Месси иккаласидан ҳам унумли фойдалана олди. Бу футболчи ҳақли равишда "Ҳафта юлдузлари" сафидан ўрин олди.
Шаҳбоз Беғамов
![AMP Logo](https://championat.asia/image/logo-amp.png)
Комментарии