Гётце ёзда "Боруссия"ни тарк этади

27 ёшли Гётценинг Дортмунд клуби билан амалдаги шартномаси 30 июнда ниҳоясига етади. Томонлар янги шартнома бўйича келишувга эриша олмаган. Аниқроғи, Гётце маоши камайтирилишини хоҳламайди, клуб эса заҳира футболчиси учун катта маблағ сарфламоқчи эмас.

Маълумот учун, Гётце "Боруссия" шарафини 2010-2013 йилларда ҳимоя қилгач, 37 миллион евро эвазига "Бавария" сафига ўтиб кетган эди. Мюнхен клубининг заҳира ўриндоғида ўтириб қолган футболчи 2016 йилда яна Дортмундга қайтганди. У Бундеслиганинг жорий мавсумида 19 ўйинда майдонга тушгани ҳолда уч гол, битта голли узатмага муаллифлик қилганди.