Гвардиола Венгерни хотиржамликка чақирди
03 ноя 2017 23:58
Новости

Гвардиола Венгерни хотиржамликка чақирди

“Манчестер Сити” бош мураббийи Хосеп Гвардиола АПЛ 11-тури доирасида “Арсенал”га қарши баҳс олдидан ўз фикрларини билдириб ўтаркан, унинг жамоаси 2003/04 йилги мавсумда Венгер жамоаси ўрнатган рекордни (ўша йили “Арсенал” мавсумни мағлубиятсиз якунлаган) такрорлаш ниятида эмаслигини маълум қилди.

“Венгер хотиржам бўлаверсин. Бу рекорд унга тегишли, “Сити” уни қайтариш ниятида эмас. Ўшанда “Арсенал”да ажойиб ва фантастик жамоа бор эди. Биз бу рекордни такрорламоқчи эмасмиз, аммо мавсумни яхши ўтказиб, якшанба куни “Арсенал” устидан ғалаба қозонмоқчимиз”, дея Гвардиола сўзларидан иқтибос келтирмоқда ESPN FC.

“Манчестер Сити” АПЛ 10-туридан сўнг 9 ғалаба ва бир дуранг натижа билан жадвалда карвонбошилик қилмоқда.

Ссылка :

Источник : ESPN FC

Получайте новости прямо в Telegram!

Рейтинг: +12