Гвардиола "Реал"га мағлуб бўлганидан сўнг нималар деди?

"Биз финалга жуда яқин келгандик. Аммо якунда буни уддалай олмадик. Барчаси оддий. 

Биринчи таймда етарли даражада яхши ўйнай олмадик, бироқ жиддий муаммоларга дуч келмадик. Голимиздан сўнг яхши ўйнадик. Биз ўз ўйинимизни, темпни топа олдик, футболчилар ўзларини яхши ҳис қилишди. 

"Реал" сўнгги 10 дақиқаликда ҳужум қилиб, биз қийналиб қолдик демаган бўлардим. Уларнинг кўп футболчилари олдинга боришди. Милитао, Родриго, Винисиус, Бензема. Улар босишди ва иккита гол уришди. 

Биз энг яхши ўйинимизни кўрсата олмадик. Бу нормал ҳолат. Аҳир бу ярим финал. Футболчилар босимни ҳис қилишди ва муваффақиятга эришишни исташди. 

Футболни олдиндан айтиб бўлмайди. Буни қабул қилишимиз керак. Биз қайта фикр қилиб, қайтишимиз керак. Олдимизда тўртта ўйин турибди", - деди Гвардиола.