Гвардиола: "Моуриньо ҳақ, аммо "Манчестер Юнайтед"га ҳурматсизлик қилганимиз йўқ"

Португалиялик мутахассис "Манчестер Сити" ҳақида олинган "Ҳаммаси ёки ҳеч нарса" ҳужжатли фильми борасида фикр билдираётиб, "бой клуб бўлиб, дунёнинг энг кучли футболчиларини сотиб олиш мумкин, аммо савияни харид қилишнинг иложи" йўқ деди.

Фильм давомида "шаҳарликлар"нинг "Олд Траффорд"даги ғалабасидан сўнг қуйидаги сўзлар айтилади: "Яна Моуриньога қарши Гвардиола, тўпга эгалик қилишга қарши - ҳимоя, ҳужумкор футболга қарши - "автобус".

"Моуриньо ҳақ, чунки савияни сотиб олиб бўлмайди. Биз ҳурматсизлик қилганимиз йўқ. Мавсум ажойиб ўтди, ҳамма жойда камералар бор эди, бунинг барчасини ўзимиз учун қилдик. "Манчестер Сити" бу мавсум ҳам совринлар ютмоқчи. Бу Моуриньонинг фикри, у кимгадир ёқиши ёки ёқмаслиги мумкин" - дейди Гвардиола.