Гонсалес Рамоснинг тирсаги билан берган зарбаси ҳақида: “Бу — қизил карточка”

Учрашувнинг биринчи бўлимида “Реал” ҳимоячиси Серхио Рамос рақибига тирсаги билан зарба бериб юборди. Учрашув бош ҳаками Дениз Айтекин бригадаси эса унга сариқ карточка кўрсатиш тугул, ҳаттоки, фол ҳам қайд этмади. “Виктория” футболчиси эса бурнидан олган жароҳати сабаб биринчи бўлим сўнгида ўз ўрнини бошқа футболчига бўшатиб берди. Мазкур ҳолатга собиқ ФИФА ҳаками Иттуралде Гонсалес изоҳ берди.

“Бу — қизил карточка. У тўпга яқинлашди, тирсаги эса кўтарилди. Бурунни шундай синдириш мумкин, бу қайтариб айтаман, қизил карточка. Бу елка билан зарба эмасди, бу — тирсак”,—дейди Гонсалес.