Гиггз интервьюда Ван Гал ва Фергюсоннинг фарқини айтди

"Сер Алексда барчаси бўлган - бошқарув, ахил кийиниш хонаси, тартиб, стандартлар тепадиган инсонлар, футболчиларни тушуниш... Унинг қўл остида шунчаки майдонга тушардик ва ўйнардик, чунки таркибимиз ҳам юқори сифатли футболчилардан ташкил топган ва улар бир неча йиллардан буён бирга фаолият олиб бораётганди.

Луи билан эса акси. Ҳар ўйинда тактикалар ўзгарарди. Сер Алекс даврида бир услубни танлаб, уни сайқаллаштирардик. Унинг қўл остидаги бирорта ўйинда 3 нафар марказий ҳимоячи билан майдонга тушганимизни эслай олмайман. Бўлгандир бир-икки марта, шунда ҳам катта ўйинларда ҳисобни ушлаб қолиш учун учинчи центрбэк майдонга тушган.

Луи биз билан ўйин ва тактик томонлама кўп ишларди. Ҳар ўйинга хар хил тайёргарлик режаси тузиларди, футболчилар эса хаддан ташқари кўп эди! Сер Алекс билан барчаси оддий давом этарди. Бу билан ички йиғилишлар бўлишини истисно қилмаяпман, аммо нима бўлганда ҳам тажрибали футболчилар доим мураббийнинг фикрларини тезда илғаб оларди. Масалан, Парк Жи Сунг марказда Пирлога тўп тушишига имкон қолдирмаслик керак бўлса буни ажойиб тарзда амалга оширарди.

Тартиб-қоида - энг асосийси. Бу жиҳат Сер Алекс ҳамда Луини боғлаб туради. Уларнинг иккиси ҳам стандартларни амалга оширадиган футболчиларни танлашда адашмаган", - деди Гиггз.