Гибралтар футбол термасининг тарихдаги илк голи Чиполина ҳисобига ёзилди
02 мар 2014 17:35
Новости

Гибралтар футбол термасининг тарихдаги илк голи Чиполина ҳисобига ёзилди

Ҳимоячи Рой Чиполина футбол бўйича Гибралтар терма жамоасининг тарихдаги илк голи муаллифига айланди.

Футболчи Фарер ороллари терма жамоасига қарши ўйиннинг 21-дақиқасида ҳисобни очди.

Орадан беш дақиқа ўтиб Гибралтар терма жамоаси ўз тарихида илк бор ўз дарвозасидан тўп олиб чиқди – фарерликлар ҳужумчиси Йоан Эдмундссон Жордан Перес дарвозасини аниқ нишонга олди.

Учрашув охир-оқибат Гибралтарнинг 1:4 ҳисобидаги мағлубияти билан якунига етди.

Гибралтар терма жамоаси 2013 йил май ойида УЕФАга аъзо бўлган. Терма жамоа ўзининг илк учрашувини 2013 йил 19 ноябрь куни Словакия терма жамоасига қарши ўтказган. Ўшанда Аллен Була жамоаси нисбатан кучли рақиб билан 0:0 ҳисобида дуранг ўйнаган эди.

Евро-2016нинг саралаш босқичида Гибралтар терма жамоаси Германия, Ирландия, Польша, Шотландия ва Грузияга қарши баҳс олиб боради.

Ссылка :

Источник : kun.uz

Получайте новости прямо в Telegram!

Рейтинг: