Ғалабани излаб: Бакаев жамоаси учун навбатдаги синов Самарқандда

Илк тўқнашув Самарқандда "Андижон" ва "Бухоро" жамоалари ўртасида кечади. 

Ўзаро ўйинлар

Бу жамоаларнинг Суперлига доирасидаги 51-учрашуви ҳисобланади. Ҳозиргача ўтказилган 50 беллашувдан 21 тасида "Бухоро" ғалаба қозонган бўлса, 16 ўйинда "Андижон" зафар қучган. Яна 13 учрашув дуранг билан якунланган.

Сўнгги йилларда устунлик андижонликлар томонида: охирги беш ўйинда тўрт ғалаба ва бир дуранг. Бакаев жамоаси рақибини охирги бор 2019 йил июнь ойида мағлуб этган.

Охирги 5 учрашув натижалари:

27.07.2019 – Андижон 2:0 Бухоро

15.06.2020 – Бухоро 2:2 Андижон

25.09.2020 – Андижон 2:1 Бухоро

23.06.2023 – Бухоро 0:1 Андижон

01.12.2023 – Андижон 1:0 Бухоро

Жамоаларнинг айни пайтдаги ҳолати

"Бухоро"да барқарорлик йўқолган. Бакаев шогирдлари сўнгги 8 ўйинда ғалабага эриша олмаяпти. Охирги бор жамоа 27 март куни 3-турда "Хоразм"ни 4:1 ҳисобида мағлуб этганди. Ҳозирча 8 очко билан 15-ўринда боришмоқда.

"Андижон"да эса янги босқич бошланган. Хомяков даври якунлангач, жамоа Максим Шацких қўли остида қайта шакллантирилмоқда. Танаффусдан фойдаланган ҳолда жамоа Хўжандда йиғин ўтказди, бир қатор легионер футболчилар Миомир Жюричкович, Мирзад Механович, Ислам Машуков билан хайрлашди. Ҳозирда жамоа 10-ўринда, сўнгги турда "Сурхон" устидан қозонган ғалаба ва Суперкубокдаги ишончли ўйин кайфиятни кўтариб турибди.

Биринчи давра тақвими

"Бухоро":

20.06.2025 – "Нефтчи" - "Бухоро"

29.06.2025 – "Бухоро" - "Шўртан"

04.07.2025 – "Сурхон" - "Бухоро"

"Андижон":

19.06.2025 – "Андижон" - "Қизилқум"

26.06.2025 – "Хоразм" - "Андижон"

05.07.2025 – "Андижон" - "Бунёдкор"

Беллашув вақти

Учрашув Самарқанддаги "Динамо" стадионида соат 20:00 да старт олади. Қайси жамоа ўз тарихига яна бир зафар ёзади – бу кеча аниқ бўлади.