Фюллькруг "Боруссия Д"га ўтишга яқин
31 авг 2023 16:48
Новости

Фюллькруг "Боруссия Д"га ўтишга яқин

"Вердер" ҳужумчиси Никлас Фюллькруг Дортмунднинг "Боруссия"сига ўтишга яқин турибди.

Бу ҳақда "Bild" хабар бермоқда.

Манбанинг хабарига кўра, форварднинг трансфер суммаси бонуслар қўшилган ҳолда тахминан 13 миллион еврони ташкил қилади. Бугун, 31 август куни Фюллькруг "Боруссия"га ўтишини расмийлаштириш учун тиббий кўрикдан ўтиши керак.

30 ёшли Фюллькругнинг "Вердер" билан шартномаси 2025 йилнинг июнига қадар тузилган. Transfermarkt интернет-портали германиялик ҳужумчининг бозор нархини 13 миллион еврога баҳоламоқда.

Фюллькруг жорий мавсум "Вердер" учун барча мусобақаларда 3 та ўйин ўтказиб, 1 та гол уришга муваффақ бўлди.

У Германия терма жамоаси сафида 9 та ўйинда майдонга тушиб, 7 та тўп киритган ва 1 та голга ассистентлик қилган.

Ссылка :

Источник : Bild

Получайте новости прямо в Telegram!

Рейтинг: +2