Футзал. Хоразмлик банк ходимлари ярим финал довонидан ўтишди

Ўтган шанба куни мусобақанинг чорак финал ўйинлари ўтказилди. Унда қуйидаги натижалар қайд қилинди.

Алоқа банк – Савдогар банк -2:1,
Агробанк – Халқ банки - 2:2 (пенальти бўйича 4:2 ),
Ҳамкорбанк – Қишлоқ қурилиш банк - 6:3,
Миллий банк – Ипотека банк - 9:3.

Якшанба куни бўлиб ўтган ярим финалнинг дастлабки ўйинида “Миллий банк” ва “Алоқа банк” жамоалари майдонга тушишди. “Финал олдидаги финал” мақомини олган ушбу учрашув кескин курашлар остида ўтганлигини таъкидлаш жоиз. Бу ўйинда қайси жамоанинг ғалаба қозонишини башорат қилиш жуда мушкул эди. Тенг кучли жамоалар ўзаро рўпара келишганди. Муросасиз кечган учрашувда “Алоқа банк” мини футболчилари 3:2 ҳисобида зафар қучишди ва финалда иштирок этиш ҳуқуқини қўлга киритишди. Ярим финалнинг иккинчи ўйинида “Ҳамкорбанк” вакиллари “Агробанк”ни 6:3 ҳисобида доғда қолдиришди.
  
Демак, шанба кунига белгиланган 3-ўрин учун бўладиган беллашувда “Миллий банк” ва “Агробанк” жамоалари учрашса, Хоразм вилояти чемпионлиги учун “Алоқа банк” ва “Ҳамкорбанк” жамоалари ўзаро куч синашадиган бўлишди.

Икром ХУДОЙБЕРГАНОВ.