Футзал. Ўзбекистон терма жамоаси Кувайтни таслим этди, ярим финалдаги рақибимиз - Япония

Осиё чемпионати. Чорак финал

ЎЗБЕКИСТОН - ҚУВАЙТ 3:0

Голлар: Анасхон Раҳматов (Д.Раҳматов) 14, Даврон Чориев (И.Ҳамроев) 21, Ҳусниддин Нишонов 34.

Ўзбекистон (биринчи бешлик):  Равшан Элибоев, Ихтиёр Ропиев, Илҳом Ҳамроев, Ҳусниддин Нишонов, Даврон Чориев

Захира: Рустам Умаров, Анасхон Раҳматов, Машраб Адилов, Суннат Жўраев, Дилшод Раҳматов, Элбек Тўлқинов, Акбар Усмонов, Шахрам Фаҳриддинов, Давлат Ибрагимов

Кувайт: 1. Муҳаммад Алҳуазим, 2.Ҳамад Ҳаят, 6.Абдулраҳмон Алвади, 7.Абдулраҳмон Алтаваил, 14. Салоҳ Алфадҳел.

Захира: 2. Холид Абдуллоҳ, 3. Юсуф Алҳалифа, 4. Аҳмад Алфорси, 8. Нажиб Али, 9. Абдулраҳмон Алмосабеҳи, 10. Абдуелтеиф Алабаси, 12. Ҳамад Алавадҳи, 13. Али Алсаиф.

Рақиб жамоа ўйин тугашини кутиб ўтирмади ва жамоамиз вакилларини ғалаба билан табриклаб қўйишди.

40. Жамоамиз бугунги баҳсни ўта ишончли ўйнади. Кейинги босқичдаги рақибимиз Япония бўлади.

37. Ярим финалга чиқишимизга 3 дақиқадан кўпроқ вақт қолди.

34. ГОООЛ! 3:0! Кўпчилик бўлиб ҳужум қилаётган мезбонлар тўпни олдиришди ва жамоамиз тезкор қарши ҳужум бошлади. Рақиб посбони дарвозасига қайта олмади, дарвозани беркитган ўйинчи эса Нишоновнинг зарбасини қайтаришга ожизлик қилди.

32. Нишонов узоқ масофаданчап оёқда кучли зарба берди, бироз ноаниқ.

30. Ўйин шундай давом этаверса вакилларимиз тез орада учинчи голни ҳам уришади.

29. Кувайтнинг кўпчилик бўлиб олдинга ўтиши ҳам фойда бермаяпти. Бу турнирда бизга фақат Эрон жиддий муаммо туғдириши мумкин экан.

27. Элибоееев! Рақиб дарвозабонсиз ўйнаётган бир пайтда вакилларимиз тўпни олиб қўйишди. Элибоев тўпни олиши билан дарвозаг азарба берди, бироз аниқлик етишмади.

24. ТЎЛҚИНООВ! Элбекнинг бурчакка яқин жойдан берган зарбасига бироз аниқлик етишмади, акс холда ҳисоб 3:0 бўларди.

22. Кутилмаганда кувайтлик футзалчининг мазаси қочиб қолди. Такрорий лавҳаларда унга вакилимиз нозик тегиб қўйгани кўринди. Мезбонларнинг жарима зарбасини терма жамоамиз вакиллари бутун жамоа бўлиб қайтаришди.

21. Иккинчи бўлим бошланди ва ГОООЛ! ЧОРИЕЕЕВ! Даврон Чориев жамоадоши билан девор услубида ўйнаб, тўпни қайтариб олди ва рақиб дарвозасининг узоқ бурчагига кучли ҳамда аниқ зарба бериб, ҳисобни 2:0 кўринишига келтирди.

- Биз қайтдик ва бир неча сониялардан сўнг Ўзбекистон ҳамда Кувайт терма жамоалари ўртасидаги футзал бўйича Осиё Кубоги чорак финал баҳсининг иккинчи бўлими бошланади.

ТАНАФФУС! 1:0

20. Чориев яна бир бор тўпни дарвозабон устидан ташлади, аммо сўнгги паллада посбон тўпни қўли билан уриб юборди.

20. Биринчи бўлимнинг сўнгги дақиқаси. Тўп бизникиларда.

18. Кувайт ўйновчи дарвозабон билан ҳаракатланяпти, ҳозирча  рақиб фақат узоқдан бериладиган зарбаларга кучи етмоқда.

16. Чориев Кувайт дарвозабонини алдаб ўтди ва зарба берди, афсуски тўп устунга тегиб, майдонни тарк этди.

15. Дарвон Чориев тўпни олиб қўйди ва тезкор қарши ҳужумни бошлаб берди, аммо вакилларимиз унга бироз кечикишди.

14. ЧОРИЕЕЕВ! Дарвоннинг марказдан берган зарбасини Кувайт посбони қийинчилик билан қайтарди.

14. ГООООЛ! Бурчакдан ҳаволатиб узатилган тўпни Анасхон Рахматов дарвозага кучли зарба билан жойлаб қўйди!

11. Ропиев рақиб дарвозабони узатган тўпни илиб кетишига оз қолди.

10. Ропиев кутилмаганда ҳаводан келаётган тўпга ноодатий тарзда тегди ва тўп дарвозабонимизга кетди, Элибоев ўзини йўқотмади ва тезда хавфни узоқлаштирди.

10. Тайм аут, Кувайт терма жамоаси устози 1 дақиқалик танаффус олди.

7. Жарима зарбаси, рақиб футзаличимизга нисбатан хавфли ўйнагани учун хуштак чалинди.

6. Жамоамизнинг навбатдаги ҳужумига бироз омад етишмади.

2. Навбатдаги зарбааа! Нишоновнинг бу сафарги зарбаси аввалгисиданда хавфли чиқди. Тўп тўсинга тегиб қайтди.

2. Зарбааа! Нишонов бурчакка яқин ҳудудда тўпни дарвозабон устун ошириб, гол уришга ҳаракат қилди, афсуски зарба ноаниқ бўлди.

1. Футзалчимиз жароҳат олди, терма жамоамиз шифокори унга тиббий ёрдам кўрсатяпти.

1. Ярим финал учун баҳс бошланди. Бизникилар оқ, Кувайт кўк рангли либосда ҳаракат қилишади.

- Рустам Умаров жамоа сардори сифатида қуръада иштирок этиб,тўп ва дарвозани рақиб билан бўлишиб олишди.

- Ассалому алайкум ҳурматли футзал ва футбол мухлислари. Бугун терма жамоамиз Қувайтда ўтаётган футзал бўйича Осиё Кубогининг чорак финалида мезбон мамлакат вакилларига қарши майдонга чиқишади.