Футзал. Ўзбекистон U-20 термаси Тошкентда Тожикистон ёшларига қарши иккита назорат ўйини ўтказади
18 апр 2017 15:14
Новости
![](https://championat.asia/upload/storage/249623_original.jpg)
![](/upload/storage/249623_220.jpg)
Футзал. Ўзбекистон U-20 термаси Тошкентда Тожикистон ёшларига қарши иккита назорат ўйини ўтказади
Футзал бўйича Ўзбекистон U-20 терма жамоаси шу йилнинг 25–26 апрель кунлари Тошкент шаҳрида Тожикистон U-20 термасига қарши иккита назорат учрашувини ўтказади.
Бу ушбу жамоаларнинг ўзаро илк тўқнашувлари эмас. Аввалроқ, Ўзбекистон ва Тожикистон ёшлари 27 ва 28 январь кунлари Тошкентда иккита ўртоқлик ўйини ўтказишган эди.
Мазкур беллашувлар 2017 йилнинг 16–26 май кунлари Таиландда, тарихда илк маротаба ўтказиладиган U-20 Осиё чемпионатига тайёргарлик вазифасини ўтайди.
Эслатиб ўтамиз, 30 март куни бўлиб ўтган қуръа натижасига кўра, Ўзбекистон U-20 термаси “С” гуруҳидан жой олди ва плей-офф йўлланмаси учун Қатар, Ливан, Мьянма ва Гонгконг ёшларига қарши баҳс олиб боради.
Похожие новости
![AMP Logo](https://championat.asia/image/logo-amp.png)
Комментарии