Футзал. Иккинчи куннинг энг яхшилари аниқланди
03 дек 2014 12:10
Новости

Футзал. Иккинчи куннинг энг яхшилари аниқланди

Кеча "Ўзбекистон" спорт мажмуасида "Tashkent Cup-2014" халқаро турнирининг иккинчи кунги беллашувлари бўлиб ўтди.

Дастлаб Озарбайжон терма жамоаси Беларусь билан ўйинда иродали ғалабани қўлга киритган бўлса, иккинчи баҳсда Ўзбекистон ҳамда Қозоғистон терма жамоалари муроса кўчасини танлашди.

Ҳар иккала учрашувдан сўнг ўйиннинг энг яхши футзалчилари аниқланди ва уларга "Luxury Energy Drink f-88" ичимликлари топширилди.

Озарбайжон - Беларусь (2:1) учрашувининг энг яхши ўйинчиси деб жамоасининг ҳар икки голи ассисентлик қилган Эдуардо Боржес топилди. Марказий Осиё дербисида эса кўплаб сейвларни амалга оширган Ўзбекистон терма жамоаси дарвозабони Рустам Умаров энг яхши дея эътироф этилди.

Озарбайжон - Беларусь учрашувининг энг яхши ўйинчиси - Эдуардо Боржес

Ўзбекистон - Қозоғистон учрашувининг энг яхши ўйинчиси - Рустам Умаров

Ссылка :

Источник : championat.asia

Получайте новости прямо в Telegram!

Рейтинг: