Футболда дарвоза ортидаги ҳакамлар ва голни аниқлаш тизими қай тариқа пайдо бўлган?

Футболда дарвоза ортидаги ҳакамлар ва голни аниқлаш тизими қай тариқа пайдо бўлган? Албатта, бунга жиддий сабаб туртки бўлган рост. 2010 йилги мундиал нимчорак финалида Англия ва Германия термалари тўқнаш келади. Даставвал икки гол урган “немис машинаси” кейинчалик ўйин сифати бўйича инглизларга ютқаза бошлайди. Натижада Метю Апсон боши билан гол уриб ҳисобни минимал кўринишга олиб келади. Бироз ўтиб мундиаллар тарихидаги энг муҳокамали вазиятлардан бири содир бўлади. Френк Лемпард узоқдан ноодатий тарзда зарба беради ва тўп аввал тўцинга тегиб кейин чизиқни нақд ярим метрга кесиб ўтади буни эса ҳакамлардан бошқа ҳамма кўради. Якунда руҳий тушкунликка тушган инглизлар мағлуб бўлишади. ЖЧ якунлангач ФИФА дарвоза ортига голни аниқлаш учун  ҳакамларни жорий қилади кейинроқ клублар ўртасидаги мундиалда голни аниқлаш тизими ҳам синовдан ўтказилади. Эҳтимол барчаси олдиндан режа қилингандир аммо Лемпарднинг ҳисобга олинмаган голи воқеликни тезлаштириб юборади.

Жалолиддин Халилов.