Футбол қироли Мессини табриклади
20 дек 2020 08:30
Новости

Футбол қироли Мессини табриклади

Теги : Лионель Месси Барселона "Сантос"Пеле

Футбол қироли Пеле “Барселона” форварди Лионель Мессининг бир жамоа таркибида гол уриш бўйича ўрнатилган рекордни такрорлаганига ўз муносабатини билдирди.

Пеле ўз даврида “Сантос” сафида тўп тепиб, 643 та гол уришнинг уддасидан чиққан. Месси кеча Ла Лига доирасида “Валенсия”га (2:2) қарши беллашувда гол уриб, Пеленинг рекордини такрорлади.

“Қачонки сенинг юрагинг меҳр ва муҳаббатга тўла бўлса, танлаган йўлингни ўзгартиришинг қийин бўлади. Менга ўхшаб сен ҳам ҳар куни киядиган футболкангни жудаям қадрлайсан. Мен каби сен ҳам ўзингни уйингга айланиб қолган жойдан яхшиси йўқлигини тушуниб етгансан.

Тарихий натижа билан табриклайман, Лионель. “Барселона”даги ажойиб фаолиятингнини доим кузата туриб, ўйинларингдан ҳайратланаман. Сен ва мен каби бир жамоага содиқ футболчилари афсуски, жудаям камдан кам учрайди.

Сен билан фахрлананман Лионель Месси”, дея таъкидлаб ўтди Пеле.

Ссылка :

Источник : Пеленинг Инстаграмдаги саҳифаси

Получайте новости прямо в Telegram!

Рейтинг: +36