Фирмино: “Жота билан орамизда шахсий адоват йўқ, у ажойиб футболчи”

“Ливерпуль”да қойилмақом таркиб бор, шу сабаб асосий таркибдан ўрин олиш осон эмас. Бунга аллақачон ўрганиб қолганман. Жота – ажойиб футболчи ва мен учун ҳам у навбатдаги яхши жамоадош. Ҳафта давомида астойдил машғулот ўтказамиз, кейин эса бош мураббий бошланғич таркибда ким тушиши ва захирада ким қолишини ҳал қилади. У билан шахсий адоватимиз йўқ.

“Ливерпуль” ҳужум чизиғи ажойиб. Уни дунёдаги энг яхши жамоалар билан таққослаш мумкин. Бу йил ҳужумимиз янада яхшиланди. Буни ҳиссиётларга берилган ҳолда эмас, шунчаки статистикага қараб айтмоқдаман. Ўзимга келсак, боримни бериб меҳнат қиламан ва Юрген Клопп мендан нимани талаб қилса, шуни майдонда бажараман”, дейди Фирмино.